Prif ddarparydd hyfforddiant a datblygiad Cymru

Tasglu Amgylcheddol (ETF)

Ar gyfer Darparwyr Prosiectau / Lleoliadau

Mae'r Tasglu Amgylcheddol yn rhan annatod o'r Fargen Newydd ar gyfer pobl ifanc. Mae'n rhaglen sy'n anelu at gynorthwyo pobl ifanc i gael gwaith. Mae wedi'i hanelu at rai rhwng 18 a 24 mlwydd oed sydd wedi bod yn ddi-waith am chwe mis neu ragor, a bydd y rhaglen yn gwella cyflogadwyedd drwy gynnig cyfle i bobl ifanc ennill profiad gwerthfawr o sefyllfa waith, yn cynnwys hyfforddiant, gyda'r cyfle i chwarae rhan i wella'r amgylchedd lle maen nhw'n gweithio ac yn byw.

Mae Hyfforddiant Tudful yn awyddus iawn i ysbrydoli rhagor o'r di-waith i gymryd rhan yn y Tasglu Amgylcheddol. Rydym yn gweithio'n helaeth gyda mudiadau lleol sydd â diddordeb penodol mewn materion amgylcheddol ac sydd â phrosiectau sy'n cyfrannu tuag at gadwraeth o fewn y gymuned.

Bydd y prosiectau hyn yn cynnig cyfleoedd i bobl ifanc gymryd rhan mewn cymunedau lleol drwy adfywio adeiladau lleol, gweithio gyda sefydliadau masnachol sy'n dangos cyfrifoldeb tuag at yr amgylchedd yn ogystal â phrosiectau sy'n cyfrannu tuag at yr adferiad.

Drwy ddarparu cyfleoedd ar gyfer y bobl ifanc hyn gallwch chwithau hefyd chwarae rhan yn nyfodol economaidd ac amgylcheddol eich cymunedau.

Porth i Waith (GtW)

Arweiniad i Gwsmeriaid

Hyfforddiant Tudful. Cwrs pythefnos mewn sgiliau personol a sgiliau ceisio gwaith, sy'n ffurfio rhan o'r cyfnod Porth.

Mae cynnal awyrgylch ?yn y gwaith? yn eich helpu chi, y cwsmer, i wella eich cyfathrebu, eich gwaith tîm a'ch sgiliau datrys problemau. Gan ganolbwyntio ar bwysigrwydd ymddangosiad, prydlondeb, cadw amser a rheolaeth er mwyn dod o hyd i waith a'i gadw, mae hefyd yn cynnig cyngor ac arweiniad gyda cheisiadau am swyddi, ysgrifennu CV, cynnal CV da a'r sgiliau hanfodol ar gyfer cyfweliadau.

I fod yn gymwys ar gyfer y rhaglen hon sy'n para pythefnos, byddwch rhwng 18 a 24 oed, wedi bod yn hawlio Lwfans Ceisio Gwaith am 6 mis ac yn dal yn y Fargen Newydd 4 wythnos ar ôl dod i'r Porth.

Nod cyffredinol Porth i Waith yw'ch arfogi gyda'r nodweddion, yr agweddau a'r disgyblaethau sydd eu hangen ar gyflogwyr.

Mae pob un o'n cwsmeriaid yn derbyn cyngor ar chwilio am waith ac arweiniad ar adnoddau chwilio am waith i'w galluogi i wneud cais am gyflogaeth addas.

Bydd ymuno â Hyfforddiant Tudful ar Opsiwn y Sector Gwirfoddol yn rhoi cyfle i chi gael profiad gwaith a gwybodaeth go iawn yn ogystal â'ch galluogi i gyflawni llawer mwy.

Fel cwsmer sy'n cymryd rhan yn Opsiwn y SG, byddwch yn darparu cymorth gwerthfawr i bobl eraill hefyd.

Mae'r rhaglenni hyn wedi cael eu creu'n ofalus i ddatblygu sgiliau gwaith ac yn y pen draw maen nhw'n arwain at gyflogaeth.

Yn ogystal â lleoliad gwaith yn y sector gwirfoddol, gellir cynnwys hyfforddiant i wella eich sgiliau a'ch cyflogadwyedd. Bydd datblygiad chwilio am waith gyda'n timau arbenigol ar gael i chi, a gellir personoli cynlluniau adeiladu hyder a symbyliad gydag effeithiolrwydd personol i gwrdd â'ch anghenion.

Opsiwn Addysg a Hyfforddiant Amser Llawn (FTET)

Arweiniad i Gwsmeriaid

Mae pwyslais FTET ar gymwysterau gyda phrofiad gwaith o ansawdd da yn arwain at gyflogaeth.  Rhaid i gyfranogwyr astudio am gymhwyster achrededig, ac mae'n rhaid i hwnnw ategu'r lleoliad profiad gwaith.  Er hynny, mae cyfleoedd i astudio am gymwysterau achrededig eraill sy'n ymddangos ar y Fframwaith Cymwysterau Galwedigaethol Cenedlaethol.  Mae'r opsiwn FTET yn para am hyd at 13 wythnos a bydd cyfranogwyr yn derbyn Budd-dal Lwfans Hyfforddi a thaliad ychwanegol tra'u bod ar yr Opsiwn.