Does dim ffordd gywir neu anghywir o gychwyn ar eich gyrfa. Os siaradwch gyda'ch ffrindiau neu'ch rhieni, mae'n debyg y byddan nhw wedi cael llawer o swyddi gwahanol?..a bu hyfforddiant yn gyfrwng i wneud pethau'n haws iddyn nhw. Mae gennych chi gyfle nad oedd ar gael iddyn nhw, gallwch roi tro ar wahanol fathau o waith cyn i chi wneud eich penderfyniad.

Mae'n haws erbyn hyn i gael mynd i fewn i ddysgu ac mae llawer mwy o ddewis ynghylch ble a beth y gallwch ddysgu. Mae Adeiladu Sgiliau yn un opsiwn fydd yn eich helpu i ddatblygu eich sgiliau a'ch hyder.

Bydd cynyddu eich sgiliau'n cynyddu'r cyfleoedd sydd ar gael i chi ?. Gallwch symud ymlaen at opsiynau Ceiswyr Sgiliau megis Hyfforddiaethau Cenedlaethol neu Brentisiaeth Fodern, Addysg Bellach neu Gyflogaeth.

Ar gyfer pwy mae'r rhain?

Rydych yn gymwys ar gyfer Adeiladu Sgiliau os ydych chi'n 16 neu 17 mlwydd oed neu dros 25 oed ac am ennill y sgiliau a'r cymwysterau fydd eu hangen arnoch chi er mwyn rhoi man cychwyn da i'ch gyrfa. Cyn i chi benderfynu, siaradwch gyda phobl yr ydych yn ymddiried ynddyn nhw, fel eich rhieni, eich ffrindiau a'ch canolfan Gyrfa Cymru lleol.   Maen nhw i gyd yno i'ch helpu chi.

Beth gaf i allan o hyn?

Mae Adeiladu Sgiliau yno i'ch helpu os oes angen cymorth arnoch chi gyda'ch sgiliau fel darllen, ysgrifennu neu ddelio gyda rhifau, neu os hoffech chi roi tro ar swydd i weld os ydy'r swydd honno'n eich siwtio chi. Mae hefyd yn help os nad ydych chi'n siŵr pa swydd yr hoffech chi ei gwneud.

Mae hyfforddiant ar gael mewn amryw feysydd galwedigaethol a bydd yn dibynnu ar eich amgylchiadau. Mae dau opsiwn ar gael ar eich cyfer ar Adeiladu Sgiliau: -

Opsiwn 1 - Adeiladu Sgiliau

Opsiwn 2 - Adeiladu Sgiliau NVQ 1

Gan ddibynnu ar ba opsiwn Adeiladu Sgiliau y penderfynwch ei ddilyn gallwch dderbyn: -

* Help i ennill y sgiliau sydd eu hangen arnoch fydd yn rhoi hwb i'ch hyder a'ch gwybodaeth am swyddi ac am gyfleoedd hyfforddi.

*Lleoliadau gwaith sy'n rhoi profiad personol i chi o wahanol fathau o swyddi.

* Lwfans hyfforddi yn 16 ac 17 oed neu dâl atodol ar ben unrhyw fudd-daliadau sy'n cael eu talu i chi gan yr Adran Gwaith a Phensiynau

* Hyfforddiant tuag at Gymhwyster Galwedigaethol Cenedlaethol (NVQ) ar o leiaf lefel 1. 

Beth yw'r camau?

Bydd rhaid i chi fynd i'ch Swyddfa Gyrfaoedd neu'ch Canolfan Byd Gwaith lleol a thrafod yr opsiwn hwn yn fanylach gyda'ch ymgynghorydd. Unwaith y byddwch wedi cytuno ar eich anghenion bydd eich ymgynghorydd yn gallu eich helpu i gysylltu â'r bobl fydd yn gallu eich arwain i lawr y ffordd gywir.

Opsiwn 1 - Hyfforddiant Cychwynnol Adeiladu Sgiliau

Fel arfer byddwch yn derbyn amrywiaeth o gefnogaeth dros gyfnod o wythnosau, wedi'i chynllunio i gwrdd â'ch anghenion.
Gall Hyfforddiant Cychwynnol gynnig y canlynol i chi: -

* Profiad gwaith gyda chyflogwr
* Hyfforddiant priodol yn eich galwedigaeth ddewisol
* Sesiynau blasu swydd i chi gael profiad o'r swydd drosoch eich hun
* Cymorth ymarferol yn ôl yr angen
* Cyngor ac arweiniad defnyddiol gan aseswyr a thiwtoriaid cymwys
* Y cyfle i drosglwyddo i NVQ Lefel 1, Hyfforddeiaeth Genedlaethol neuBrentisiaeth Fodern.

Os byddai'n well gennych hyfforddi gyda chyflogwr, efallai mai Adeiladu Sgiliau fyddai orau i chi.

Opsiwn 2 - NVQ 1 Adeiladu Sgiliau

Gydag Adeiladu Sgiliau byddwch yn cael hyfforddiant mewn swydd gyda chyflogwr. Gall hyn arwain at ennill Cymhwyster Galwedigaethol Cenedlaethol (NVQ) ar lefel 1, yn ogystal â chymwysterau ychwanegol fel Sgiliau Allweddol.

Pa Lwybrau sydd ar Gael?

Mae Adeiladu Sgiliau ar gael mewn amrywiaeth o wahanol yrfaoedd. Bydd y dewis yn dibynnu ar eich anghenion. Rydym yn cynnig y canlynol
NVQau lefel 1: -

* Gweinyddiaeth Busnes
* Gwasanaeth Cwsmeriaid
* Gweithrediadau Dosbarthu
* Gweithrediadau Adwerthu
* Defnyddio Technoleg Gwybodaeth